Ódýr, traust, hraðvirk vefhýsing

Vefhýsing
Lén
nauðsynlegt
Hér skal fylla inn greiðanda

Fullt nafn
nauðsynlegt
Kennitala
nauðsynlegt
Heimilisfang og svæðisnr.
nauðsynlegt
Netfang
nauðsynlegt
Sími


Tengiliður, ef ekki greiðandi

Tengiliður

Tengiliður netfang
Ég óska eftir að 1984 ehf færi fyrir mig bæði póst og/eða vef!
Þessi valkostur á við ef þú ert nú þegar með vef og / eða tölvupóst í hýsingu annars staðar en hjá 1984 ehf og vilt láta tæknimenn sjá um færa gögnin þín yfir til 1984 ehf. í stað þess að sjá um það sjálf/ur.
Þessi þjónusta kostar 4.800 krónur auk virðisaukaskatts ef verkið tekur minna en klukkustund. Klukkustund dugar í u.þ.b. 85% tilvika, en ef við sjáum að verkið komi til með að taka lengri tíma munum við hafa samband við þig og bjóða þér að taka afstöðu til þess.
Þú færð aldrei óvæntan reikning eða bakreikning vegna gagnafærslu.
Skilaboð
Skilmálar
ÞJÓNUSTUSKILMÁLAR VEGNA VEF- OG TÖLVUPÓSTHÝSINGARÞJÓNUSTU 1984 EHF

1 SAMÞYKKT Á ÞJÓNUSTUSKILMÁLUM

        1. Þú samþykkir hér með, fyrir þína eigin hönd eða fyrir hönd,
annars einstaklings, fyrirtækis eða persónu að lögum sem þú mátt
skuldbinda (hér eftir kallað "áskrifandi"), að lúta eftirfarandi
þjónustuskilmálum. Samþykki skilmálanna er skilyrði þess að áskrifandi
megi nota þjónustu 1984 ehf, en "þjónusta" þýðir í þessum skilmálum net,
vélbúnaður og hugbúnaður og tækniaðstoð 1984 ehf. Áskrifandinn samþykkir
að lúta öllum þeim skilyrðum sem fram eru sett í þessum skilmálum.
Skilmálarnir eru samningur milli 1984 ehf og áskrifandans ogtaka gildi
við samþykki áskrifandans.
        2. Áskrifandi lýsir yfir og ábyrgist að hann sé fullra átján ára
að aldri, fjár síns ráðandi og að fullu sjálfráða ef hann er
einstaklingur, en sé áskrifandi fyrirtæki eða persóna að lögum að hann
sé til þess bær að taka á sig þær skuldbindingar sem skilmálar þessir
greina. Ennfremur lýsir áskrifandi því yfir og ábyrgist að allar
upplýsingar sem áskrifandi hefur gefið í 1984 ehf séu réttar,
fullnægjandi og í gildi og að hann muni framvegis ætíð gefa 1984 ehf
upplýsingar sem eru réttar, fullnægjandi og í gildi við endurnýjun og
skráningu þjónustu. Áskrifandi lýsir yfir og ábyrgist að hann muni
upplýsa 1984 ehf um breytingar á öllum upplýsingum til að 1984 ehf hafi
ætíð réttar, fullnægjandi og gildandi upplýsingar. Viðkomandi
lögráðamenn geta gert samning við 1984 ehf fyrir hönd ólögráða eða
ófjárráða einstaklinga og þurfa þá að hafa samþykkt notkun þess ólögráða
eða ófjárráða á þjónustu 1984 ehf. Lögráðamaður tekur á sig allar
skyldur og ábyrgð sem leiða af þeim þjónustusamningi sem við á hverju
sinni og þessum þjónustuskilmálum.
        3. 1984 ehf mun kappkosta að veita áskrifendum sínum
afbragðsgóða þjónustu á sviðum vef- og tölvupósthýsingar,
sýndarþjónareksturs, nafnaþjónareksturs og fylgjast ávallt vel með öllum
nýjungum á þeim sviðum til að þjónustur 1984 ehf séu eins góðar og
mögulegt er. Vegna hraðrar þróunar og mikilla breytinga á tækni- og
lagaumhverfi og vegna breytilegra þarfa einstakra notenda og breytingum
á almennum þörfum notenda áskilur 1984 ehf sér þann rétt að geta að vild
breytt, bætt við eða fjarlægt hvern einstakan eða alla hluta þessara
þjónustuskilmála hvenær sem er, fyrirvaralaust og án viðvörunar.
        4. Áskrifendur geta séð gildandi útgáfu þessara skilmála hverju
sinni á www.1984.is/skilmalar  Öll notkun á þjónustu 1984 eftir
breytingar, viðbætur, eða fjarlægingu á þessum skilmálum í heild eða að
hluta felur í sér samþykki áskrifandans á öllum slíkum breytingum,
viðbótum eða fjarlægingu. Ef samþykkir ekki slíkar breytingar, viðbætur
eða fjarlægingu á skilmálum er eina úrræðið sem  áskrifandinn má grípa
til gagnvart 1984 ehf að segja upp áskrift sinni á þann hátt sem lýst er
í þriðja hluta þessara skilmála.
        5. Þótt 1984 sé heimilt að vild  að breyta skilmálum þessum
hvenær sem er, fyrirvaralaust og án viðvörunar er 1984 ehf heimilt að
vild að reyna að gefa áskrifendum sjö daga fyrirvara vegna breytinga sem
haft geta áhrif á þjónustu 1984 við áskrifendur.

2. TÍMABIL - GREIÐSLUR - ENDURNÝJUN ÞJÓNUSTUSAMNINGS

        1. Samningssamband milli 1984 ehf og áskrifanda kemst á þegar
áskrifandi samþykkir þessa skilmála og lýkur með þeim hætti sem lýst er
í efnisgreinum 2.04 og 3.01.
        2. Greiðslur. Áskrifandi samþykkir að greiða öll þjónustugjöld
sem við eiga samkvæmt verðskrá eða í samræmi við tilboð sem í gildi eru
þegar pöntun eða endurnýjun á þjónustusamningi er gerð.
        3. Sjálfkrafa endurnýjun á þjónustusamningi. Fjórtán dögum áður
en þjónustusamningur rennur út er 1984 ehf heimilt veita þá þjónustu í
greiðaskyni við áskrifanda, án þess að  1984 ehf beri til þess skylda
eða beri á því ábyrgð, að endurnýja þjónustusamning áskrifanda til jafn
langs tíma og áskrifandi valdi í upprunalegri pöntun sinni á þjónustu
1984 ehf. Í þvi tilviki gildir almenn gjaldskrá 1984 ehf en ekki þau
sérstöku tilboð sem 1984 ehf kann að hafa í boði á þeim tíma sem
endurnýjun á sér stað og gjald fyrir tímabilið verður innheimt á þann
hátt er áskrifandi valdi upprunalega sem greiðsluaðferð fyrir þjónustu
1984 ehf. Áskrifandi fellst á að 1984 ehf framkvæmi sjálfvirka
endurnýjun þjónustusamnings með þeim hætti er að ofan greinir.
Áskrifandi fellst á að endurnýjun þjónustusamnings sé á ábyrgð
áskrifanda sjálfs og að 1984 ehf beri hvorki skylda til né ábyrgð á
sjálfkrafa endurnýjun þjónustusamnings. Áskrifandi fellst á að 1984 ehf
verði aldrei gert ábyrgt fyrir skaða eða miska sem leiða kann af því að
sjáĺfkrafa endurnýjun þjónustusamnings er ekki gerð, sama hver ástæða
þess var að sjálkrafa endurnýjun var ekki framkvæmd, hvort sem það er
vegna þess að ekki tekst að innheimta af kreditkorti áskrifanda, ekki
tekst að ná sambandi við áskrifanda með tölvupósti eða af öðrum ástæðum.
Áskrifandi fellst á að ef sjálfkrafa endurnýjun er ekki framkvæmd og ef
áskrifandi hefur ekki sjálfur endurnýjað áskrift sína fellur áskriftin
og þjónusta henni tengd niður á þeim degi er áskriftin fellur úr gildi.
        4. Sjálfkrafa endurnýjun þjónustusamnings stöðvuð. Til að stöðva
sjálfvirka endurnýjun þjónustusamnings þarf áskrifandi að tilkynna 1984
ehf um vilja sinn til þess að sjálfkrafa endurnýjun eigi sér ekki stað
sextán dögum áður en áskrift fellur úr gildi með því að senda 1984 ehf
tölvupóst á netfangið billing@1984.is með efnislínunni (Subject header)
"Stöðvið sjálfvirka endurnýjun áskriftar" og í texta þess
tölvupóstskeytis skal áskrifandi gefa nánari upplýsingar um áskriftina
sem stöðva á sjálfkrafa endurnýjun á. 1984 ehf fellst á að berist slíkur
tölvupóstur á tölvupóstfangið billing@1984.is a.m.k. sextán dögum áður
en áskrift rennur út verði áskrifandi ekki krafinn um frekari
áskriftargjöld vegna þeirrar áskriftar er sagt er upp með þeim hætti og
að þjónusta falli niður á þeim tíma sem áskrift rennur út.
        5. Umboð. Ef áskrifandi er ekki einstaklingur heldur fyrirtæki,
félag eða  persóna að lögum lofar sá sem gerir eða endurnýjar
þjónustusamning fyrir hönd slíks áskrifanda að hann hafi umboð og leyfi
til að skuldbinda áskrifandann með þeim hætti er þessir skilmálar greina.

3. UPPSÖGN ÞJÓNUSTUSAMNINGS - ENDURGREIÐSLUR

        1. 1984 ehf veitir 14 daga endurgreiðsluábyrgð á allri seldri
þjónustu, nema skráningu léna og sölu á SSL skírteinum. Þetta þýðir að
ef afturköllun á þjónustubeiðni berst 1984 ehf innan 14 daga frá pöntun
mun 1984 ehf endurgreiða áskrifanda þjónustugjöld er áskrifandi hefur
reitt af hendi. Hafi áskrifandi greitt 1984 ehf fyrir skráningu léns
heldur áskrifandi réttindum vegna þeirrar skráningar, enda er engin
endurgreiðsluábyrgð á gjöldum vegna skráningar léna.
        2. Áskrifandi má segja upp áskrift sinni hvenær sem er á
samningstímanum eftir fyrstu 14 daga samningsins og fyrir sjálfvirka
endurnýjun þjónustusanings. Mun þá 1984 endurgreiða honum þau gjöld
fyrir alla þá almanaksmánuði samningstímans sem ekki eru byrjaðir þegar
uppsögnin berst 1984 ehf. Þetta endurgreiðsluloforð á ekki við um gjöld
vegna lénaskráninga eða sölu á SSL skírteinum, sbr. grein 3.01 þessara
skilmála.
        3. Áskrifandi skal tilkynna uppsögn á áskrift sinni á netfangið
billing@1984.is.
        4. Ef áskrifandi fer ekki að ofangreindum leiðbeiningum um
uppsögn á áskrift sinni er áskrifandi ábyrgur fyrir 5000 kr. vinnugjaldi
vegna bókhaldsvinnu.

4. HUGVERKARÉTTINDI OG VIÐSKIPTALEYNDARMÁL

        Skilmálar þessir veita áskrifanda engin réttindi tengd
hugverkaréttindum 1984 ehf er tengjast tækni, lógóum eða vörumerkjum
1984 ehf. 1984 ehf og áskrifandi binda það fastmælum að hvorugur aðilinn
mun á nokkur hátt, beint eða óbeint, reyna að komast að frumþulum,
viðskiptaleyndarmálum eða öðrum einkamálum hins.

5. ÖRYGGI OG EIGNARHALD

        1. Áskrifandi er að fullu ábyrgur fyrir varðveislu og notkun
allra auðkenna sem 1984 ehf afhendir áskrifanda, t.d. lykilorða og
notendanafna, og er ábyrgur fyrir allri notkun á þeim og atburðum sem
tengjast notkun þeirra. Jafnframt er áskrifandi ábyrgur fyrir allri
notkun og atburðum í tengslum við notkun á þeim lénum sem eru á hans
vegum á kerfum 1984 ehf. Áskrifandi lofar að láta 1984 ehf vita
tafarlaust ef grunur vaknar um að auðkennisupplýsingar hafi mögulega
komist í hendur óviðkomandi eða ef trúnaðaröryggi auðkennisupplýsinga 
er með einhverjum hætti ógnað eða ef grunur vaknar um óheimila notkun á
þjónustu og kerfum 1984 ehf. 1984 ehf verður ekki gert ábyrt fyrir skaða
eða tjóni sem hljótast kann af notkun auðennisupplýsinga þeirra 1984 ehf
hefur afhent áskrifanda.
        2. Aðgengisstjórn og aðgengisheimildir. Þegar stofnað er til
þjónustusamnings milli áskrifanda og 1984 ehf verða færir 1984 ehf til
bókar eftirfarandi upplýsingar frá áskrifanda: 1) Nafn áskrifanda, 2)
virkt tölvupóstfang áskrifanda, 3) Notendanafn sem áskrifandi kann að
velja sér 4) aðgangsorð notanda 5) virkt símanúmer áskrifanda aðgangsorð
og 6) greiðsluupplýsingar, þ.e.a.s. heimilisfang þar sem tekið er við
reikningum fyrir áskrifanda, upplýsingar um greiðslumiðil, t.d.
kreditkort, nafn á kreditkorti o.s.frv., í samræmi við lögu um
meðhöndlun slíkra upplýsinga.
        3. Hafi nokkur samband við 1984 ehf til að fara fram á
afhendingu aðgangsupplýsinga mun 1984 ehf ekki afhenda slíkar
upplýsingar nema viðkomandi hafi allar eftirfarandi upplýsingar: a) Nafn
áskrifandans sem um ræðir, b) tölvupóstfang áskrifandans eins og það er
í bókum 1984 ehf, c) notendanafn áskrifandans, d) greiðsluupplýsingar
áskrifandans. Einnig mun 1984 ehf afhenda aðgangsupplýsingar þeim, er
framvísar dómsúrskurði um slíka afhendingu.
        4. Áskrifandinn fellst á ofangreint fyrirkomulag um aðgengi að
aðgangsupplýsingum og leysir 1984 ehf undan allri ábyrgð á skaða sem
verða kann vegna þess að 1984 framfylgi fyrirkomulaginu.

6. PERSÓNUUPPLÝSINGAR, UPPLÝSINGA- OG PERSÓNUVERND

        1. 1984 ehf lofar að vernda upplýsingar og persónuupplýsingar
áskrifanda með þeim ráðum sem tiltæk eru og innan eðlilegra
kostnaðarmarka og samræmast lögum.
        2. Dulkóðun. Áskriftarupplýsingar eru sendar dulkóðaðar yfir
internetið þegar áskriftarpöntun er gerð.
        3. 1984 ehf lofar að afhenda ekki þriðja aðila upplýsingar um
áskrifanda, nema lög kveði á um annað, t.d. þegar fyrir liggur
dómsúrskurður um afhending gagna, nema í þeim tilvikum sem 1984 ehf vill
ráða þriðja aðila sem verktaka til að rannsaka möguleg brot á þessum
skilmálum eða öðrum samningum milli 1984 ehf og áskrifanda, eða grunur
leikur á um að lögbrot séu framin eða undirbúin. 1984 ehf mun ekki
afhenda þriðja aðila nokkrar upplýsingar um áskrifandi til að þriðji
aðili geti markaðsett vöru eða þjónustu með þeim upplýsingum.

7. FYRIRKOMULAG Í DEILDRI HÝSINGU
        
	1. Vefhýsing 1984 ehf er svokölluð deild hýsing, e. shared
hosting service. Það þýðir að margir áskrifendur deila með sér vélbúnaði
og/eða sýndarvélbúnaði.  Vefhýsingarþjónustu 1984 ehf er ætlað að
uppfylla vefhýsingarþarfir einstaklinga og smærri félaga og fyrirtækja,
en ekki að þarfir fjölmiðla eða stærri fyrirtækja með sem þurfa aðgang
að mikilli, stöðugri kerfisgetu vegna vef- eða póstrekstrar síns  1984
ehf áskilur sér allan rétt til að færa þjónustu áskrifanda milli véla
og/eða sýndarvéla til að tryggja jafnvægi í notkun vélbúnaðar, eða í
hverjum þeim öðrum tilgangi sem 1984 ehf álítur nauðsynlegan eða þægilegan.
        2. 1984 ehf áskilur sér allan rétt til að slökkva á eða eða
hamla notkun á þjónustum áskrifanda tímabundið eða endanlega, ef 1984
álítur að notkun áskrifanda að þjónustunum valdi, eða geti valdið
truflunum á rekstri þjónustu vegna annarra notenda í deildri hýsingu,
eða ef 1984 ehf álítur að vefur eða þjónusta áskrifanda hafi verið
"hökkuð" eða sé af einhverjum ástæðum undir stjórn annarra en áskrifanda
sjálfs, eða ef 1984 ehf álítur að verið sé að brjóta lög eða
siðferðisviðmið þau, er 1984 ehf álítur eðlilegt að gera kröfu um að
virt séu af áskrifendum hverju sinni. Ef 1984 ehf ákveður að stöðva
þjónustu endanlega gilda ákvæði sbr. grein 3.02 um endurgreiðslu á
hýsingargjöldum.

8. ÓHEIMIL NOTKUN VEFHÝSINGARÞJÓNUSTU
        
	1. Ruslpóstsendingar. Útsendingar á ruslpósti, (unsolicated
commercial email) eru bannaðar á þjónum 1984 ehf og leiða til
tafarlausrar stöðvunar allra þjónusta áskrifanda. Þetta á við um allan
fjöldapóst á póstlista eða slíka hópa þar sem móttakendur hafa  ekki
gefið samþykki sitt fyrir sendingunum, að mati 1984 ehf, eða ef
ómögulegt eða torvelt er fyrir móttakendur að segja sig af slíkum lista,
einnig að mati 1984 ehf.
        2. Bannað er að bjóða, selja eða tengja við aðrar vefsíður sem
bjóða, selja eða sýna eftirfarandi varning: a) Ávana- eða fíkniefni og
vörur eða þjónustu því tengdar, b) Vopn, c) Höfundarréttarvarið efni sem
áskrifandi hefur ekki rétt til að bjóða eða selja, d) upplýsingar til að
brjóta höfundarrétt eða vörumerkjaréttindi annara, e) upplýsingar til að
framleiða, búa til eða útvega ólöglegan varning eða vopn, f) klámefni
eða kynlífsvarning, g) skráardeilingu h) annað ólöglegt, skaðlegt eða
siðferðislega vafasamt efni eða upplýsingar, að mati 1984 ehf.
        3. 1984 ehf áskilur sér fullan og skilyrðislausan rétt til að
meta og ákveða hvort 1984 vill halda áfram eða hætta, með eða án
fyrirvara að mati 1984 ehf, að veita áskrifanda þjónustu, ef 1984 ehf
álítur efni það, sem áskrifandi vistar á búnaði 1984 ehf ólöglegt,
mögulega ólöglegt, siðlaust eða skaðlegt. Eingöngu mat 1984 ehf gildir í
þessum efnum. Áskrifandi lofar að lögsaækja ekki eða 1984 ehf vegna
möulegs skaða eða miska sem ákvörðun 1984 ehf á þessum forsendum kann að
valda.

12. YFIRLÝSING UM TAKMÖRKUN ÁBYRGÐAR
        
	1. Áskrifand, skilur og fellst á að þjónusta sú, er 1984 ehf
lofar að veita er veitt eftir bestu getu 1984 ehf á hverjum tíma, án
nokkurrar ábyrgðar af hálfu 1984 ehf um gæði, áreiðanleika, hraða,
villuleysi eða virkni. Áskrifandi fellst á þetta fyrirkomulag og lofar
að lögsækja ekki 1984 ehf vegna mögulegs skaða eða miska sem hljótast
kann af villum, bilunum, aðgengisskorti, gagnatapi, minnkuðum hraða eða
áreiðanleika eða skorti á virkni þeirrar þjónustu sem 1984 ehf veitir,
hvort sem 1984 var um að kenna eða ekki.

13. VARNARÞING

        1. Ef upp koma mál vegna ágreinings um framkvæmd samnings þessa
sem ekki er mögulegt að leysa með samkomulagi beggja skal reka málið
fyrir Héraðsdómi Reykjavíkur.
Ég samþykki skilmálanna!