Fyrirtækjahýsing

Hver er munurinn á venjulegri vefhýsingu og fyrirtækjahýsingu?

Í venjulegri vefhýsingu (Shared Hosting) deila margir kerfisauðlindum eins og örgjörva, vinnsluminni og diskaplássi með öðrum vefjum á sama netþjóni. Fyrir minni og meðalstóra vefi er slík vefhýsing hentugasta og hagkvæmasta lausnin. Fyrirtækjahýsing (Managed VPS Hosting) hentar betur ef búast má við mikilli umferð eða ef gerðar eru miklar kröfur um stöðugleika og þjónustustig.

Hverjir þurfa fyrirtækjahýsingu?

Sumir vefir þurfa meiri eða stöðugri aðgang að kerfisauðlindum og meiri skalanleika fyrir aukna umferð, en hægt er að tryggja með venjulegri vefhýsingu. Þetta á við ef vefurinn fær mikla umferð á ákveðnum tímum, ef vefurinn þjónar miklu gagnamagni eða ef gerðar eru miklar kröfur um stöðugleika og þjónustustig. Í fyrirtækjahýsingu (Managed VPS Hosting) færðu aðgang að eigin auðlindum (VCPU, vinnsluminni og diskaplássi) sem þú deilir ekki með öðrum notendum eins og í venjulegri vefhýsingu. Fyrirtækjahýsing veitir mjög stöðugt rekstrarumhverfi fyrir vefi með mikla kerfisauðlindaþörf, auk þess sem hún býður upp á meiri möguleika á stækkun, nákvæmari upplýsingar um auðlindanotkun og sérsniðna uppsetningu.

Hvenær ætti ég að færa mig yfir í fyrirtækjahýsingu?

Þegar þú þarft að hafa meiri stjórn á hýsingunni eða fá ítarlegri upplýsingar um auðlindanotkun vefsins gæti fyrirtækjahýsing hentað betur. Þá getur þú sérsniðið allt umhverfið eftir þínum þörfum og deilir ekki auðlindum með öðrum notendum eins og í venjulegri vefhýsingu. Notkun annarra hefur því engin áhrif á vefinn þinn. Ef þú býst við mikilli umferð, þarft mjög stöðugar kerfisauðlindir eða ef þér hentar ekki að deila kerfisauðlindum með öðrum, gæti fyrirtækjahýsing verði rétta lausnin.

Hvernig uppfæri ég úr venjulegri hýsingu í fyrirtækjahýsingu?

Kerfisstjórar 1984 sjá um að flytja vefinn þinn yfir í nýja umhverfið þér að kostnaðarlausu.

Er fyrirtækjahýsing flóknari í notkun en venjuleg vefhýsing?

Alls ekki. Sama stjórnborð og sömu einföldu stillingar eru notaðar í fyrirtækjahýsingu og venjulegri hýsingu. Í fyrirtækjahýsing færðu aðgang að fleiri sérstillingum og ítarlegri upplýsingar um auðlindanotkun, en getur unnið áfram með kerfið á sama hátt og áður ef þú kýst það.